Shiru Wa GP - Muoroto Wakwa Lyrics

Nĩniĩ ũyũ njĩtagwo Zakayo
Na nĩ ndaigua Jesũ e gũkũ
Na kĩrĩndĩ nĩ kĩingĩ mũno
Kĩmũrigicĩirie na nĩ ndĩrenda kũmuona

Ndĩ mũndũ mũkuhĩ mũno
Nao andũ aya othe nĩ manjũĩ
Atĩ ndĩ mwĩtia mbia cia igoti
Ũũi ũũi ngũĩka atĩa na nĩ ndĩrenda kũmuona

Aah ndigũconoka, ndigwĩtigĩra
Ngũteng'era haice mũtĩ igũrũ
Ndikwenda kũmenya ũrĩa andũ mekuuga
Tondũ muoroto wakwa

Nĩ kuona Jesũ wa Nazarethi
Muoroto wakwa nĩ kuona Jesũ wa Nazarethi

Ndĩ mũndũ wa nja na ndĩ mũrwaru
Njurĩte mĩaka ikũmi na ĩĩrĩ
Na nĩ ngeretie moothe makarema
Na rĩu niniĩ ũyũ na ũrĩa nĩ Jesũ

No nĩ arigicĩirio nĩ kĩrĩndĩ kĩingĩ
Ũũi ũũi ngwĩta atĩa na nĩndĩrenda kũhona

Aah ndigoconoka ndigwĩtigĩra
Ngũtuĩkania gatagatĩ ka andũ aya
Ona ndikwenda Jesũ anyone
Tondũ mworoto wakwa nĩhutie gĩcũrĩ

Kĩa nguo yake na nĩ ngũhona
Muoroto wakwa nĩ hutie gĩcũrĩ

Kĩa nguo yake na nĩ ngũhona

Niĩ Batimayo mwana wa Timayo
Ndĩ gĩtumumu kuuma gũciarwo
Na nĩ ndaigua Jesũ e gũkũ
Aragerera haha njikarĩte

Wũi na ndionaga atĩ nĩ ngũmuona
Ũũi ũũi ngwĩka atĩ na

Nĩ ngwenda gũcoka kuona

Aah ngwanĩrĩra na mũgambo mũnene
Jesũ Jesũ Jesũ wa Nazarethi
Ndigũkira ona andũ manjĩra ngire
Tondũ mworoto wakwa nĩ Jesũ anyone

Anjiguĩre tha ahingũre maitho
Muoroto wakwa nĩ Jesũ anyone

Anjiguĩre tha ahingũre maitho

Andũ aingĩ nĩ maremeetwo
Nĩ kũhingia mĩoroto yao
Nĩ gwĩtigĩra andũ a gũkũ thĩ
Ũũi meyũragia andũ mekuuga atĩa

Ndeka ũna andũ mekuuga atĩa
Ndathiĩ kũna andũ mekuuga atĩa
Ona ningĩ ndauga ũna andũ mekuuga atĩa
Andũ mekuuga atĩa nĩ kĩhingo kĩnene

Aah tigana na andũ na ũrĩa mekuuga
Kinyũkia ikinya ũhingie muoroto
Tondũ angĩkorwo ũndũ ũrĩa ũreka nĩ

Ũragocithia Ngai thiĩ na mbere
Angĩkorwo ũndũ ũrĩa ũreka nĩ

Ũragocithia Ngai thiĩ na mbere

Ta wĩrute na andũ arĩa ana
Marĩ arwaru mangũ maikĩtio nja wa itũũra
Na itũũra thĩinĩ kwarĩ na ng'aragu
Ũũi makĩũrania o mũndũ na ũrĩa ũngĩ

Tũgũikara haha nginya tũkue nĩkĩ
Nĩ twarahũkeni tũgwe moko-inĩ ma Asuriata
Matũhonokia tũgĩtũũre muoyo
Ũũi matũũraga tũgĩkue twehere

Ĩĩ na hĩndĩ ĩrĩa makinyũkirie ikinya
Jehova akĩmongerera mũrurumo
Ita rĩa Asuriata rĩkĩũra ihenya
Rikimatigĩra irio betha na thahabu
Muoroto wao ũkĩhonokia

Itũũra rĩgima rĩa Samaria

Muoroto waku no ũkũhonokie

Na ũhonokie arĩa makũrigicĩirie