Sammy Irungu - Thaka Cia Airitu Lyrics

Thaka cia airĩtu na anake nĩ ikaringĩkĩra werũ-inĩ
Kũndũ rũng'ũrĩ-inĩ nikuo makagwĩra nĩ nyota
O nayo mĩrũthi mĩthĩ nĩ ĩkahĩta na yage gĩa kũrĩa
Ona ĩna hinya nĩ ĩgakua nĩ ng'aragu

No arĩa mehokete mwathani nĩ agatũma marakahe
Ĩni marakahe wanake wao ta wa nderi
Marĩũmbũkagĩra igũrũ rĩa mathĩna wũi o ta nderi
Makaheyo ihenya o ta thwariga ya mũgoma

Mĩgũnda nayo nĩ ĩkahandwo na yage kũruta maciaro
Mĩthabibū nayo nĩ ĩgakorwo ĩtarĩ maciaro
Ciugũ cia mburi na ng'ombe nacio ikorwo itarĩ na tũcaũ
No acio mamwendete ndarĩ hĩngo akamatirika

No arĩa mehokete mwathani nĩ agatũma marakahe
Ĩni marakahe wanake wao ta wa nderi
Marĩũmbũkagĩra igũrũ rĩa mathĩna wũi o ta nderi
Makaheyo ihenya o ta thwariga ya mũgoma

Nderi ĩrĩa yonaga kũraihu nĩ ĩrĩ yona njĩra ya ũthingu
Wata mũrũthi ũrīa mũcangacangi ndũngĩmĩona
Nao andũ arĩa athingu mangĩetha njĩra ĩyo nĩ mamĩonaga
Ũtonga wa hitho-inĩ Ngai nĩ amahithũragĩria

No arĩa mehokete mwathani nĩ agatũma marakahe
Ĩni marakahe wanake wao ta wa nderi
Marĩũmbũkagĩra igũrũ rĩa mathĩna wũi o ta nderi
Makaheyo ihenya o ta thwariga ya mũgoma

Makĩerereka mwena ũyũ na ũyũ nĩ thĩna na mĩnyamaro
Ngoro cia arĩa athingu we ndagatũma ciage kĩndũ
Nĩ kũhũũnia akahũũnia arĩa othe mamwendete na indo iria njega
Amamenyerere o ta kĩũma gĩake kĩa ritho

No arĩa mehokete mwathani nĩ agatũma marakahe
Ĩni marakahe wanake wao ta wa nderi
Marĩũmbũkagĩra igũrũ rĩa mathĩna wũi o ta nderi
Makaheyo ihenya o ta thwariga ya mũgoma

Thaka cia airĩtu na anake nĩ ikaringĩkĩra werũ-inĩ
Kũndũ rũng'ũrĩ-inĩ nikuo makagwĩra nĩ nyota
O nayo mĩrũthi mĩthĩ nĩ ĩkahĩta na yage gĩa kũrĩa
Ona ĩna hinya nĩ ĩgakua nĩ ng'aragu

No arĩa mehokete mwathani nĩ agatũma marakahe
Ĩni marakahe wanake wao ta wa nderi
Marĩũmbũkagĩra igũrũ rĩa mathĩna wũi o ta nderi
Makaheyo ihenya o ta thwariga ya mũgoma