Regina Muthoga - Andu Aria Athingu Lyrics

Andũ arĩa athingu na ahoreri
Me ngoro njega ciyũire tha
Nĩmĩ ciao itarĩ njambanio
Ta kĩmaiguei
Ũrĩa marathimĩtwo nĩ roho wa ma

Mahaana riũa rĩkĩratha
Rĩrathaga nduma ĩgathira
Andũ othe makarĩkenera
Ũthingu ũhaana
Ta itu rĩrĩ na mbura
Yarĩĩkia kuura

Anabii othe na atũmwo oothe
Moragirwo makĩrũĩra
Ngoro iria thingu na horeri
Itigathahio
Ũthingu nĩ ũthamaki
Wa kwĩhokeka

Andũ arĩa marĩ ũthũ na ũthingu
Na nĩ mathũire ũhoro wa ma
Roho oigire metagwo ithukĩ
Na mĩtĩ mĩũmũ
Ningĩ metagwo mĩigua
Na nĩ marima

Ũũgĩ wothe wa ngoro ciao
Meninaga naguo magakua
Meciria mao magathũũka
O ta ma nyamũ
Ngoro ciao ikarũra
Gũkĩra nyongo

Kĩrathimo kĩao nĩ gĩkĩ
Kĩrĩa roho aamarathimĩire
Na igai rĩrĩa makagaya
Harĩ Jehova
Nĩ marakara mahiũ
Ona kĩrumi

Mũtĩ ũrĩa wambĩirwo mwathani
Gĩtina-inĩ harĩ ũhonokio
Nĩho he maaĩ ma gwĩthamba
Mehia mathire
Ũthingu nĩ ũthamaki
Wa kwĩhokeka

Andũ arĩa athingu na ahoreri

Me ngoro njega ciyũire tha
Nĩmĩ ciao itarĩ njambanio
Ta kĩmaiguei
Ũrĩa marathimĩtwo nĩ roho wa ma