Paul Mwai - Murangiri Lyrics

Ndoka harĩ wee Jesũ

Wee tu nowe ngoro yakwa
Ebenezer icũthĩrĩirie
Ũhingĩrie irĩkanĩro
Na merirĩria ma ngoro ĩno
Nĩguo ndikanehoke
Arĩa magũthũire
Na arĩa magũcambithagia
Nyone irio cia mwĩrĩ ũyũ

Wee mũrangĩri
Rangĩra ngoro yakwa
Tondũ arangĩri
Marutaga wa tũhũ
Wee mwaki wa nyũmba
Ndakũhoya njakĩra ĩno
Tondũ cia kwĩyakĩra
No irĩmomoka

Ndikwĩhang'ĩra rĩngĩ
Nĩ ndakinya mũico
Gĩkĩ gĩthima ndoiga
Ndikwĩyenjera rĩngĩ
Wee mũthundũri wa ithima
Werũ-inĩ nyenjera gĩaku
Tondũ cia kwĩyenjera
Irutaga maaĩ marũrũ

Wee mũrangĩri
Rangĩra ngoro yakwa
Tondũ arangĩri
Marutaga wa tũhũ
Wee mwaki wa nyũmba
Ndakũhoya njakĩra ĩno
Tondũ cia kwĩyakĩra
No irĩmomoka

Kĩheo gĩkĩ mwathani
Reke gĩtuĩke gĩaku
Mũgambo ũyũ Elohimu
Ngũrutĩre ta igongona
Ndikanekore itindo-inĩ
Cia Afilisti ngĩmakenia
Na kũmathĩĩra ngano
Nĩguo mandĩhĩre nyũmba

Wee mũrangĩri
Rangĩra ngoro yakwa
Tondũ arangĩri
Marutaga wa tũhũ
Wee mwaki wa nyũmba
Ndakũhoya njakĩra ĩno
Tondũ cia kwĩyakĩra
No irĩmomoka

Nĩ ndakũhoya Ngai
Gitĩra ngoro yakwa
Nĩguo ndikanarũmwo
Nĩ nyoka cia werũ ũyũ
Ndigathekwo nĩ thũ ciakwa
Na arĩa mendaga thire
Njage muoyo ndiganĩre
Njoke ndegũo nĩwe mũnyũmbi

Wee mũrangĩri
Rangĩra ngoro yakwa
Tondũ arangĩri
Marutaga wa tũhũ
Wee mwaki wa nyũmba
Ndakũhoya njakĩra ĩno
Tondũ cia kwĩyakĩra
No irĩmomoka

Rĩu o ta Danieli
Ndoiga ndigwĩtukania
Ici nyama ndikũrĩa
O na cianora
Ndathuura ndĩyage mboga
Na nĩ njũĩ nĩ ngũtũũra

Ikeno ici na mĩago ĩno
Kaba ĩikare ũnjigane

Wee mũrangĩri
Rangĩra ngoro yakwa
Tondũ arangĩri
Marutaga wa tũhũ
Wee mwaki wa nyũmba
Ndakũhoya njakĩra ĩno
Tondũ cia kwĩyakĩra
No irĩmomoka