Shiru Wa Gp - Nyungu Ya Ngai Lyrics

Ĩno nĩ nyũngũ ya Ngai
Ndĩagaga mũteng'ũri
Rĩrĩ nĩ ithabu rĩake
Rĩtiagaga anja

Kwĩnyitĩra nĩ enyitagĩra
O kwĩnyitĩra
Na gũtirĩ ũngĩmũũria
Nĩ atĩa ũreka
Nĩ atĩa ũreka

Elijah tiga gwĩkomithia
Atĩ ũrenda gũkua
Ũroiga nowe ũtigarĩte
Harĩ anabii othe

Ngũmenyithie to wee tu
Kwĩ na matigari
Andũ angĩ ngiri mũgwanja
Matarĩ maroongoria Baali

Rĩu gĩũkĩre ũrĩe na ũnyue
Wambĩrĩrie thabaarĩ
Ũthiĩ nginya Abeli Mehola
Ũkore Elisha
Ũmũitĩrĩrie maguta
Acoke ithenya rĩaku

Ĩno nĩ nyũngũ ya Ngai
Ndĩagaga mũteng'ũri
Rĩrĩ nĩ ithabu rĩake
Rĩtiagaga anja

Kwĩnyitĩra nĩ enyitagĩra
O kwĩnyitĩra
Na gũtirĩ ũngĩmũũria
Nĩ atĩa ũreka
Nĩ atĩa ũreka

Saũlũ ndũtige thĩna
Ihinda rĩaku nĩ ithiru
Ndaigua kwĩ na kamwana
Kareetwo Daudi

Nĩ koraga Goliathũ
Njamba ĩgũkũremete
Keheria gĩconoko
Harĩ Isiraeli

Ndaigua atumia makĩina
Saũlũ oragĩte
Andũ ngiri nyingĩ
Daudi makiri maingĩ

Rĩu gĩtige kũmwetha
Atĩ ũmũũrage
Nĩmũitĩrĩrie maguta
Acooke ithenya rĩaku

Ĩno nĩ nyũngũ ya Ngai
Ndĩagaga mũteng'ũri
Rĩrĩ nĩ ithabu rĩake
Rĩtiagaga anja

Kwĩnyitĩra nĩ enyitagĩra
O kwĩnyitĩra
Na gũtirĩ ũngĩmũũria
Nĩ atĩa ũreka
Nĩ atĩa ũreka

Vashiti ndũtige nguthi
Gwathĩka nĩ kwega
Ndaigua weetwo warega
Wang'athĩria mũthamaki

Riu nĩ gũtũmane
Bũrũri-inĩ guothe
Airĩtu arĩa athaka meethũo
Mareherwo mũthamaki

Thĩinĩ wao kuoneka
Kairĩtu Esiteri
Gathaka, kahooreri
Getigĩri Ngai

Rĩu Vashiti kĩinũke
Eherera Esiteri
Nĩ athurwo nĩ mũthamaki
Acoke ithenya rĩaku

Ĩno nĩ nyũngũ ya Ngai
Ndĩagaga mũteng'ũri
Rĩrĩ nĩ ithabu rĩake
Rĩtiagaga anja

Kwĩnyitĩra nĩ enyitagĩra
O kwĩnyitĩra
Na gũtirĩ ũngĩmũũria
Nĩ atĩa ũreka
Nĩ atĩa ũreka

Waigua ngiuga nĩ nyũngũ ya Ngai
Na ndĩagaga mũteng'ũri
Rĩu nĩ atĩa mũndũ aangĩka
Atĩ aherie Ngai

Na nginya hinya ũrĩa ena guo
Umĩĩte kwĩ Ngai

Wega nĩ wĩke ũrĩa ũreka
Ũtekũmaĩrĩria

O ta ũrĩa Paũlũ oigire
Kũngĩgĩkinya
Gũtũũra gwakwa nĩ maciaro
Ndirĩ ũndũ ingĩkiuga
Tondũ tiniĩ ndũũraga
Nĩ mwathani ũtũire thĩinĩ wakwa

Ĩno nĩ nyũngũ ya Ngai
Ndĩagaga mũteng'ũri
Rĩrĩ nĩ ithabu rĩake
Rĩtiagaga anja

Kwĩnyitĩra nĩ enyitagĩra
O kwĩnyitĩra
Na gũtirĩ ũngĩmũũria
Nĩ atĩa ũreka
Nĩ atĩa ũreka

Gũtirĩ ũngĩũria Mũrungu nĩ atĩa areka
Gũtirĩ
Kwĩnyitĩra nĩ enyitagĩra o wega
O kwĩnyitĩra
Narĩo ithabu rĩake rĩtiagaga anja
Nyũngũ yake nayo ndĩagaga mũteng'ũri
Nĩ ma ndĩagaga

Etagwo Ngai, etagwo Ngai
Etagwo Ngai, etagwo Ngai

Etagwo Ngai