Wihoke Mwathani Rugendo-Ini Lyrics

Wĩhoke mwathani rũgendo-inĩ
Na ũmũmenye wega ũtarĩ nganja
O na wona thĩna tiga guoya
Wĩ guoko-inĩ gwake ndũkahootwo

Ndũgathikĩrĩrie ndeto cia andũ
Rĩrĩa wĩ na hinya ũmenye wega
Nĩ wĩtĩrĩtio ũmenyithie andũ
Jesũ nĩ mũkũũri wa kĩrĩndĩ

Arĩa maarĩ mbere rũgendo-inĩ
Mbaara ya mwĩrĩ-inĩ maikaire atĩa
Na kwarĩ mathĩĩna rũgendo-inĩ
Na mĩago na ikeno cia gũkũ thĩ

Hingo ciothe maarũmagĩrĩra
Roho mũtongoria maiyũrītwo
Nĩ wathĩki mũingĩ rugendo-inĩ
Nginya magĩtooria mbaara ya thĩ

Mũndũ witũ tiga kuoyanĩria
Ũthamaki wa roho na wa mwĩrĩ
Ndũngĩhotanĩria ndagũthaitha
Tigana na mwĩrĩ ũthiĩ rũgendo

Na ũkire na ngoro ũmenye wega
Meciria ma mwĩrĩ mendaga atĩa
Mendaga gũtiga waga muoyo
Na mwĩrĩ ũgathikwo ũtuĩke tĩri

Cũthĩrĩria Jesũ mwendwo witũ
Rĩtwa rĩake etagwo Wa mathĩna
Nĩ aatoririe magerio na thĩna
Nĩguo tũgakinya igũrũ kwa Ngai

Arĩa maaregire ũhoro wa ma
Makiuga nĩ ahũthũ rũgendo-inĩ
Matirĩ na ũtũũro gwa ithe witũ
Kũrĩa metereirũo no mwaki-inĩ