Naomi Karanja - Kuma Irathiro Lyrics

Wĩtagwo njamba ĩrĩa nene
Ya kĩroko gwathera
Riũa rĩkĩratha kana rĩthũe
Wee nĩ ũmenyaga

Njata ũciũĩ na marĩĩtwa
Macio ndũhĩtagia
Baba njuĩrĩ ciakwa nĩ ũcitarĩte
Mũigana wacio

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Nĩwe ũtherũkagia ithima
Cia gũthera
Wĩkĩrĩte maaĩ mũhaka
Matikagarare

Kũu ngurumo nĩkuo nyoni
Cinagĩra nyĩmbo
Kĩhonge-inĩ cia mĩtĩ nĩ ciinaga
Ũroambarario

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Njũĩ-inĩ kuongoyaga nyamũ
Nene na iria niini
O kĩrĩa baba wacihe gĩa kũrĩa
Nĩkĩo irĩyaga

Ũkumbatũraga guoko kwa hinya
Ikahũũna
Cingĩongoya maaĩ-inĩ nĩ kũhũũna
Ũroambarario

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Ũroraga thĩ na riitho rĩaku
Ĩgathingitha
Ũngĩkĩhuutia kĩrĩma
Nakĩo kĩrutaga ndoogo

Ndũmba yaku ya ihiga nĩkuo
Kuumaga maaĩ
Ndaragita na njagĩ cianyotoka
Ũroambarario

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Wũi wee Jehova ndwĩhokaga hinya
Wa mbarathi njĩthĩ
O na magũrũ ma mũndũ wa thĩ
Wee ndũbataraga

Ũgoocagwo nĩ araika
Na mweri na njata
Indo ciothe na nyamũ ciothe na andũ
Nĩ makiugage

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Kuuma irathĩro rĩa riũa
Nginya ithũĩro
Rĩtwa rĩaku rĩroambarario
Tene na tene

Kuuma irathĩro rĩa riũa
Nginya ithũĩro rĩa riũa
Rĩtwa rĩaku baba, rĩrogoocwo
Tene na tene
Tene na tene