Ndaturaga Thi Ino Lyrics

Ndatũũraga thĩ ĩno
Ndariĩ ta mũgendi
Ũhĩtĩtie njĩra
Harĩa ndoimĩrĩire
No harĩ arĩa maarĩ
Na ũhinga ta mũici
Kana ta mũtegi
Ũtegete nyoni

Ngĩũrũo nĩ mahinda
Ma kũmenya Jesũ
Nĩ mũhonokia
Nĩ mũkũũri wakwa
Nyite watho wake
Rĩu ndĩ gũkũ thĩ
Ngĩmenyaga noguo
Ũkanginyia igũrũ

Hĩndĩ ĩyo gũtiarĩ
Wa kũnyonereria
Njĩra ya ũtheri
Nĩ mwathani wakwa
Wanjoire ndĩ nja
Ya ũhoro ũrĩa wa ma
A'kĩndũgamia wega
Njĩra ya ũtheru

Na inyuĩ nĩ ngũmwĩra
Mũnyitĩte njĩra
Ya gũthiĩ igũrũ
Mwĩmenyererei
Thũ ya ngoro cianyu
Ĩikaire njĩra-inĩ
Na mũgambo wayo
No ta maguta

Na muoroto wayo
Nĩ kũhĩtithia andũ
Njĩra ya ũtheru
Inyuĩ mwĩrirĩirie
Gũkinya matu-inĩ
Mũikare ũtheri-inĩ
Mũthenya wakinya
No tũkaambata

Na hĩndĩ ĩyo
Mũkamenya wega
No ndamwĩraga
Mũkĩona arĩa athingu
Maikarĩire itĩ iria
Mathagathagĩirũo
Kuuma mũthenya ũrĩa
Thĩ ĩno yombirũo

Tũgakenaga atĩa
Twamenya atĩ ngoro
Nĩ ciahurũka
Mathĩna ma thĩ ĩno
Na mbaara cia thĩ ĩno
Thũ cia ũhoro wa ma
I'tigatuona rĩngĩ
Tene na tene

Ndagũthaitha mũno

Wĩrirĩrie Kristo
Na ũmwĩtĩkie
Kahinda nĩ gaka
Ndũkagonderere
Amũkĩra Jesũ
Nĩ agwetereire
Akũhonokie