Ngai Wa Uthingu Wa Iburahimu Lyrics

Ngai wa ũthingu wa Iburahĩmu ithe witũ
Tondũ wa thakame ya mũrũguo thikĩrĩria
Mũthĩnjĩri ũrĩ tha tũitĩrĩrie
Ũtugi wa thakame na maaĩ

Nĩwe mwĩhoko wa ngoro yakwa ndũgakire
Mehia na waganu na mahĩtia thambia there
Ũnjĩtĩkie ũrĩ kĩgongona-inĩ
Kĩa matu-inĩ kĩiyũrĩte ũthingu

Baba nĩ wairire ngoro mĩaka mĩrongo ĩna
Nĩ andũ arĩa warutire Misiri ũkĩmanina
Tiga marakara riganĩrwo
Nĩ mehia maitũ ndũgatũnine

Ririkana Joshũa ngombo yaku wee Jehova
Nĩ agiririe baba rĩtwa rĩaku rĩconorwo
Maguta marĩa wamũitĩrĩirie
Ndamaconorithirie ndũrĩrĩ

Ithandũkũ rĩa mwĩhĩtwa waku rĩrĩa itheru
Jorodani yarĩonire ĩkĩũra nĩ ũndũ warĩo
Rĩgĩthiũrũrũkĩria Jeriko
Matukũ mũgwanja rĩkiunanga

Ũhoti waku Jehova Ngai wainainirie
Ngoro cia athamaki arĩa matũire Kanaani othe
Tondũ mehokete mĩhianano
Na wee ndũtariĩ ta ũguo ithe witũ

Ikũrũkĩra ngoro cia athuri na atumia
Na anake na airĩtu na ciana cia ngenge
Wĩna irathimo mĩthemba yothe
Ya kĩrĩkanĩro gĩaku kĩerũ

Tha ciaku mũthĩnjĩri mũnene na mũtugi
Iria weranĩire na maroho ma anabii
Atĩ nĩ ũkagarũra meciria
Ma ngoro ciothe matuĩke meerũ

Ngai wa ũthingu wa Iburahĩmu ithe witũ
Tondũ wa thakame ya mũrũguo thikĩrĩria
Mũthĩnjĩri ũrĩ tha tũitĩrĩrie
Ũtugi wa thakame na maaĩ