Hingũrai matũ mũigue mũmenye
Ũhoti na ũũgĩ na ũthamaki
Ciĩ moko-inĩ ma Ngai
Habili nĩwe mũira
Tondũ wa gũthaitha Jehova na ma
Nake akĩonererio njĩra ya ũtheri
Iburahimu etwo nĩ Ngai akĩigua
Aatũire Kaanani na gĩthĩnjĩro
Arĩragĩra Ngai akĩhoota ndũrĩrĩ
Tondũ wa gũthaitha Jehova na ma
Nake akĩonererio njĩra ya ũtheri
Musa ahootanĩirwo kwa Biraũni
Nĩ ingongona itheru athĩnjĩire Ngai
Agĩtiga amomora ũnene wa Misiri
Tondũ wa gũthaitha Jehova na ma
Nake akĩonererio njĩra ya ũtheri
Thũ ciahinga njĩra Musa ambatire
Kĩrĩma-inĩ na Huri na Haruni
Matira Musa moko Joshua akĩhoota mbaara
Tondũ wa gũthaitha Jehova na ma
Nake akĩonererio njĩra ya ũtheri
Akani aiya indo iria ciarĩ kĩrumi
Thũ ikĩũraga anake mĩrongo ĩtatũ
Na atandatũ Joshua na athuri othe makĩrĩra
Tondũ wa gũthaitha Jehova na ma
Nake akĩonererio njĩra ya ũtheri
Gideoni na Jefitha mahootire ita
Ngoro ciũmĩrĩirie itegũthangania
Gideoni akĩiga rũũa
Na Jefitha akĩĩhĩta
Tondũ wa gũthaitha Jehova na ma
Nake akĩonererio njĩra ya ũtheri
Ũthĩnjĩri nĩguo ũhonokanagia
Jesũ akũũrire andũ na ũthĩnjĩri
Wa thakame na maaĩ magĩitĩrĩrio roho
Tondũ wa gũthaitha Jehova na ma
Nake akĩonererio njĩra ya ũtheri
Jesũ arĩ matu-inĩ ngĩthĩnjĩro-inĩ
Nĩwe mũthĩnjĩri wa ngoro ciothe
Nake roho e mbaara-inĩ
Thĩinĩ wa ngoro cia andũ
Tondũ wa gũthaitha Jehova na ma
Nake akĩonererio njĩra ya ũtheri
Hingũrai matũ mũigue mũmenye
Ũhoti na ũũgĩ na ũthamaki
Ciĩ moko-inĩ ma Ngai
Habili nĩwe mũira
Tondũ wa gũthaitha jehova na ma
Nake akĩonererio njĩra ya ũtheri
Iburahimu etwo nĩ Ngai akĩigua
Aatũire Kaanani na gĩthĩnjĩro
Arĩragĩra Ngai akĩhoota ndũrĩrĩ
Tondũ wa gũthaitha jehova na ma
Nake akĩonererio njĩra ya ũtheri
