Ngũgũa mbere yaku na ihooru
Ngũthaithe tu ngĩgirĩkaga
Tondũ Ngai wakwa ndĩ mwĩhia
Ndĩ mwĩhia baba o na wanyona
Ndoka ngũthaithe ndĩnyihĩtie
Ndũkanduĩre na marakara
Wamenya atĩ niĩ ndĩ rukũngũ rwa thĩ
Nawe nĩwe wangũmbanirie
Ngoro nĩ yenda ngwĩka wega
No mwĩrĩ ndũkoragwo hinya
Rĩĩrĩ nĩ rĩo ihoya ndahoya
Ndũkanduĩre na marakara
Ririkana tha ciaku nyingĩ
Na wendo ũrĩa ũhumbagĩra mehia
Mwathani wakwa ũnjirithie arĩ we
Na ũnduĩre ũiyũirwo nĩ tha
Niĩ ndĩ tĩri o na rũkũngũ
Ndĩ o mũndũ wa rĩũmba rĩhũthũ
Thĩ ĩno ndĩ no yo Caitani arĩ
Mũgeria ngoro cia arĩa akwendi
Atũire ahĩtanaga naniĩ
Tondũ ndendaga tumĩranie ngoro
Ũngĩrakara ũndirike baba
Nĩ kũũra ingĩũra na ndioneke
Niĩ nĩ ndĩriragĩria mũno
Kũgĩa na ngoro ĩhaana yaku
No thĩna wakwa nĩ atĩ Ngai
Tũtirĩ a rĩũmba rĩmwe nawe
Wee nduombirwo nĩniĩ wombire
Ndwaciarirwo nĩ ndaciarirwo
Mwana ta niĩ wa mũtumia Ngai
Kaĩ ingĩgĩtuĩka mũtheru atĩa
Ndiriganĩirwo Warutire
Wĩra mũnene niĩ nyoneke
Wonanirie wendani na tha
Mũrũguo agĩkua mũtĩ igũrũ
Wendo ta ũcio ũngĩrĩhwo nakĩ
Tiga o ndĩnyihie na njathĩke
Na ngerie na kĩyo kũgarũra ingĩ
Ngoro ciao ĩgũcokerere
Ũhoro wanakinya hau
Ngwenda kũgũa moko-inĩ maku
Wee ũtuaga mũndũ mũthingu
Ta ũrĩa wekire Iburahĩmu
Nĩũĩ merirĩria makwa
Nĩ gũgũkenia na mwĩrĩ ũyũ
Ngũtungatĩre na ũigũ ũyũ wakwa
Wa nyama wamũiria ihoohete
Ũhoro wanakinya hau
Ngwenda kũgũa moko-inĩ maku
Wee ũtuaga mũndũ mũthingu
Ta ũrĩa wekire Iburahĩmu
Nĩũĩ merirĩria makwa
Nĩ gũgũkenia na mwĩrĩ ũyũ
Ngũtungatĩre na ũigũ ũyũ wakwa
Wa nyama wamũiria ihoohete
