Sammy Irungu - Mundu Uria Mutauku Lyrics

Mũndũ ũrĩa mũtaũku nĩ acaragia Ngai na kĩyo
Mũndũ ũrĩa wĩ mbuguĩro nĩ mũtũũri hitho-inĩ ciake
Matata ma mũnyaka nĩmo marĩmũtatagĩra
Irathimo imwethage imũrutĩtie na ndwere ciothe

Arĩa mamũcaragia na kĩyo nĩ makĩmuonaga
Arĩa mamũcaragia o ta thahabu ĩrĩa theru
Ũcio ti mũrĩa ng'ũrũ nĩ arũmagĩrĩra kĩhooto
Watinda ngwatio gwake ndũngĩinũka moko matheri

O na kũngĩgĩa nduma gũcingimane, gũtumane
Ũcio mwĩhoki Ngai maitho make monaga ũtheri
O na igũrũ rĩngĩhinga rĩage kũheana mbura
Mũmwethi no kũrura agunyio nĩ ime rĩa matu-inĩ

Arĩa mamũcaragia na kĩyo nĩ makĩmuonaga
Arĩa mamũcaragia o ta thahabu ĩrĩa theru
Ũcio ti mũrĩa ng'ũrũ nĩ arũmagĩrĩra kĩhooto
Watinda ngwatio gwake ndũngĩinũka moko matheri

Ta ũrĩa rũkũngũ rũmbũkaga hĩndĩ ĩrĩa gwathuthua
Noguo mũnyaka ũũragĩra mũndũ wa mathangania
Nawe ũtũũraga ũtithagia ũgathangania kũmwĩhoka
Menya mũgeri njĩra igĩrĩ ndangĩgwatĩra kĩndũ

Arĩa mamũcaragia na kĩyo nĩ makĩmuonaga
Arĩa mamũcaragia o ta thahabu ĩrĩa theru
Ũcio ti mũrĩa ng'ũrũ nĩ arũmagĩrĩra kĩhooto
Watinda ngwatio gwake ndũngĩinũka moko matheri

Mũndũ mwĩhoki mũndũ wa thĩ atũũraga na meerirwa
Mũndũ ũrĩa ũrĩ ũmenyo atiiraga maitho na igũrũ
Betha na thahabu itingĩgũra irathimo cia Ngai
Wĩtĩkio noguo wiki ũgũraga nduka kwa Ngai

Arĩa mamũcaragia na kĩyo nĩ makĩmuonaga
Arĩa mamũcaragia o ta thahabu ĩrĩa theru
Ũcio ti mũrĩa ng'ũrũ nĩ arũmagĩrĩra kĩhooto
Watinda ngwatio gwake ndũngĩinũka moko matheri

Mũndũ ũtarĩ kĩoneki ũcio ahaana o ta mũndũ mũkuũ
Ningĩ ũtarĩ wĩtĩkio nĩa nyina ũmwe na mwanangĩko
Kĩoneki na wĩtĩkio nĩ itũmaga mũndũ agĩe hinya
Na akaya kuona mũthenya ũngĩ mwerũ o etĩkĩtie

Arĩa mamũcaragia na kĩyo nĩ makĩmuonaga
Arĩa mamũcaragia o ta thahabu ĩrĩa theru
Ũcio ti mũrĩa ng'ũrũ nĩ arũmagĩrĩra kĩhooto
Watinda ngwatio gwake ndũngĩinũka moko matheri

Arĩa mamũcaragia na kĩyo nĩ makĩmuonaga
Arĩa mamũcaragia o ta thahabu ĩrĩa theru
Ũcio ti mũrĩa ng'ũrũ nĩ arũmagĩrĩra kĩhooto
Watinda ngwatio gwake ndũngĩinũka moko matheri

Arĩa mamũcaragia na kĩyo nĩ makĩmuonaga
Arĩa mamũcaragia o ta thahabu ĩrĩa theru
Ũcio ti mũrĩa ng'ũrũ nĩ arũmagĩrĩra kĩhooto
Watinda ngwatio gwake ndũngĩinũka moko matheri