Rĩmwe njũragia ngwatanĩro ya mũndũ na Ngai
Nĩkĩ kĩmĩtũũragia na mũndũ nĩ wa meethahia
Na wĩhokeku wa Ngai ũtũũraga wĩ mũrũmu
Ngoria mahotanaga atĩa na mũndũ wa meethahia
Rĩmwe rĩrĩa Jesu onire mũtino wĩ hakuhĩ
Erire arutwo mahoe matikagwe magerio-inĩ
Ti itherũ kũhoya no kuo kũngĩtũma
ngaĩrwo
Igai rĩa wega wa Mwathani ndĩ gũkũ thĩ ĩno
Nĩ hinya wa mahoya ũtũmĩte hane ũguo hana
Nĩ hinya wa mahoya ũnginyũkagithia ikinya
Ndĩraga na ngagirĩka ndĩ mbere ya mũnyũmbi
Ngĩũkĩria maru makwa nyũkĩraga hootanĩte
Jesu atanambĩrĩrĩa wĩra wake gũkũ thĩ ĩno
Ahoeire kĩrĩma-inĩ matukũ mĩrongo ĩna
Ihoya rĩgĩtũma etirie magerio ma Ngoma
O na e mũrũ wa Ngai nĩ ihoya rĩamũteithirie
Kaĩ arĩ maita maigana ndanokĩra ndĩ mũmaku
Ngarigwo tondũ rĩu nĩ gwakĩa ngwambĩrĩria ha
Ngirangirĩte ngahũrĩrwo thimũ ngahahũrwo
Ngaigua ta ingĩcooka mĩrengeti-inĩ ngakuĩre kuo
Nĩ hinya wa mahoya ũtũmĩte hane ũguo hana
Nĩ hinya wa mahoya ũnginyũkagithia ikinya
Ndĩraga na ngagirĩka ndĩ mbere ya mũnyũmbi
Ngĩũkĩria maru makwa nyũkĩraga hootanĩte
Ihoya rĩa Danieli rĩatũmire Israeli
Marutwo ũkombo-inĩ wa mĩaka mĩrongo mũgwanja
Makĩinuka monaga ta mararota mũthenya
Nĩ thĩna ũrĩkũ ũcio ũngĩtiria
hinya wa mahoya
Ũyũ nĩ mũtumia wa ndigwa atigirwo tene
Ici nĩ ciana cia ngoriai aciari nĩ makuire
Ithe na nyina wa ciana cia ndigwa arĩ o
gĩtĩ-inĩ
Ũrĩa watũmirĩ Hannah etwo nyina wa rũrĩrĩ
Nĩ hinya wa mahoya ũtũmĩte hane ũguo hana
Nĩ hinya wa mahoya ũnginyũkagithia ikinya
Ndĩraga na ngagirĩka ndĩ mbere ya mũnyũmbi
Ngĩũkĩria maru makwa nyũkĩraga hootanĩte
Gũtirĩ kĩheo gĩkĩrĩte gĩkĩ waheire
Gĩa gũgwĩtaga ndĩ thĩ ũkanjĩtĩka wĩ matu-inĩ
Gũtirĩ kĩheo gĩkĩrĩte gĩkĩ waheire
Gĩa gũgwĩtaga na mwĩrĩ ũkanjĩtĩka na roho
Nĩkĩo andũ makĩhoka hinya wa indo na wa ũtonga
Niĩ nĩ njũĩ he kũndũ njĩtanaga ngetĩkwo
Ngũtũũra njitaga maithori mbere ya mũnyũmbi
Ngũtũũra ndĩnyihĩtie mbere ya ũrĩa ũndeithagia
Nĩ hinya wa mahoya ũtũmĩte hane ũguo hana
Nĩ hinya wa mahoya ũnginyũkagithia ikinya
Ndĩraga na ngagirĩka ndĩ mbere ya mũnyũmbi
Ngĩũkĩria maru makwa nyũkĩraga hootanĩte
Wĩra wakwa nĩ gũtũũra njetagĩrĩra Ngai
Na itanarĩkia kũmweterera ngamweterera
Wĩra wakwa nĩ gũtũũra ndĩhokete Mũrungu
Na itanarĩkia kũmwĩhoka ngamwĩhoka rĩngĩ
Wĩra wakwa nĩ gũtũũra njetagĩrĩra Ngai
Na itanarĩkia kũmweterera ngamwetera
Wĩra wakwa nĩ wa gũtũũra ndĩhokete o Mũrungu
Na itanarĩkia kũmwĩhoka ngamwĩhoka rĩngĩ
Nĩ hinya wa mahoya ũtũmĩte hane ũguo hana
Nĩ hinya wa mahoya ũnginyũkagithia ikinya
Ndĩraga na ngagirĩka ndĩ mbere ya mũnyũmbi
Ngĩũkĩria maru makwa nyũkĩraga hootanĩte
Nĩ hinya wa maho-o-oya
