Shiru Wa GP - Baba Tuonie Lyrics

Hwaĩ-inĩ ũmwe arutwo
Makĩoya neti na ndara
Thĩinĩ wa gatarũ
Makĩingĩra iria-inĩ

Maarĩ na mwĩhoko
Nĩ megũtegia ciũngũyũ
Ũtukũ mũgima
Matigwatie o na kĩũra

Makĩrĩrĩra Jesu
Marĩ na kĩgirĩko
Ũtukũ wĩ nduma
Wĩ heho na guoya mũingĩ

Tũthiũrũrũkĩte iria-inĩ
Tũtione o na kĩĩ
Mwathani akĩmeera
Tahiai haarĩa mũinũke

Rĩu Ngai o na ithuĩ
Nĩ twarega gwĩtongoria
Wĩra mũingi
Ũtarĩ na umithio tũtiĩruta

Nĩ tũmaathĩte mĩaka mĩingĩ
Na tũkanoga
Baba tuonie harĩa
Tũgũtahĩrĩra tũinũke

Aisraeli maatũire
Misiri mĩaka mĩingĩ
Wĩra mũritũ
Wa ũkombo nĩguo maarutaga

Kũhinyĩrĩrio nĩ Filauni
Na mbũtũ ciake
Mũcaara wao
Waarĩ irenge menyũrane

Na tondũ Ngai
Nĩ waiguĩte mũkayo wao
Ũkĩhithia Musa
Nyũmba-inĩ ya mũthamaki

Ũkĩmũhũthĩra
Nĩguo amarute ũkombo-inĩ
Ũkĩmeerekeria
Bũrũri wa kĩĩranĩro

Rĩu Ngai o na ithuĩ
Nĩ twarega gwĩtongoria
Wĩra mũingi
Ũtarĩ na umithio tũtiĩruta

Nĩ tũmaathĩte mĩaka mĩingĩ
Na tũkanoga
Baba tuonie harĩa
Tũgũtahĩrĩra tũinũke

O mũthenya tũũkagĩra
Ruoro rũgĩtema
Tũgathiĩ imaathĩro
Kwĩyethera mĩaramano

Tũrĩ na mwĩhoko
Nĩ tũkũgwatia kĩũngũyũ
Gũgatuka tũkahũndũka
Tũtarĩ o na kĩĩ

Kaingĩ na kaingĩ
Tũiguaga kũũrwo nĩ hinya
Tũkeeyũria tondũ twainũka
Twathiĩ tũũĩ atĩa

Na tũkiuma tuugire
Nĩ tũkũinũkia kĩndũ
Baba tuonie harĩa
Tũgũtahĩrĩra tũinũke

Rĩu Ngai o na ithuĩ
Nĩ twarega gwĩtongoria
Wĩra mũingi
Ũtarĩ na umithio tũtiĩruta

Nĩ tũmaathĩte mĩaka mĩingĩ
Na tũkanoga
Baba tuonie harĩa
Tũgũtahĩrĩra tũinũke

Rĩu Ngai o na ithuĩ
Nĩ twarega gwĩtongoria
Wĩra mũingi
Ũtarĩ na umithio tũtiĩruta

Nĩ tũmaathĩte mĩaka mĩingĩ
Na tũkanoga
Baba tuonie harĩa
Tũgũtahĩrĩra tũinũke

Baba tuonie harĩa
Tũgũtahĩrĩra tũinũke

Baba tuonie harĩa
Tũgũtahĩrĩra tũinũke