Alice Wambui - Ndi Rugendoini Lyrics

Ndĩ rũgendo-inĩ niĩ ngĩinũka
Njerekeire mũciĩ wa igũrũ
Ndĩ mũtitũ-inĩ ngĩtuĩkania
Ngoona rũgendo rũraihire

Kĩnũmie guoko Ngai wakwa
Ndirĩ na ha kwĩnyitĩrĩra
Haana ta maaĩ marĩ irũtũ-inĩ
Ũngĩndekia Jesu ndathira

Rĩu nginyĩte kĩrĩma kĩngĩ
Kĩna mahiga mathũndĩirie
Na ũtenderũ no ndĩraurĩrwo
Ngwĩnyitĩrĩra kĩĩ mwathani

Kĩnũmie guoko Ngai wakwa
Ndirĩ na ha kwĩnyitĩrĩra
Haana ta maaĩ marĩ irũtũ-inĩ
Ũngĩndekia Jesu ndathira

Ngũbũri cia mahiga iragũũka
Ciagaragara ingong'orie
Mwathani wakwa aratũma araika
Makangitĩra ndiragũthwo

Kĩnũmie guoko Ngai wakwa
Ndirĩ na ha kwĩnyitĩrĩra
Haana ta maaĩ marĩ irũtũ-inĩ
Ũngĩndekia Jesu ndathira

Gũkwĩha mũno na nĩ ũtukũ
Kĩrĩma kĩehanda ta itimũ
Thutha hena kĩgaragaro
Kĩng'etheirie o rũũĩ rwa gĩkuũ

Kĩnũmie guoko Ngai wakwa
Ndirĩ na ha kwĩnyitĩrĩra
Haana ta maaĩ marĩ irũtũ-inĩ
Ũngĩndekia Jesu ndathira

Kũrĩ o na nyamũ irandeng'eria
Ndĩani no itingĩnginyĩra
Humbĩtwo riiri nĩ Ngai wakwa
Thũ iranjetha no itiranyona

Kĩnũmie guoko Ngai wakwa
Ndirĩ na ha kwĩnyitĩrĩra
Haana ta maaĩ marĩ irũtũ-inĩ
Ũngĩndekia Jesu ndathira

Ndacũthĩrĩria gacũmbĩrĩ
Jesu nĩ arahenaheneria
Akĩnyũmĩrĩria ngĩe na hinya
Ndigetigĩre ndakandiga

Kĩnũmie guoko Ngai wakwa
Ndirĩ na ha kwĩnyitĩrĩra
Haana ta maaĩ marĩ irũtũ-inĩ
Ũngĩndekia Jesu ndathira

Gũkua, kũhona nĩ ndĩrutĩire
Nginya ngakinya kũu Zayuni

Kwendwo, kũmenwo no ndĩrutĩire
Nginya ngakinya kũu Zayuni

Kwambata irĩma no ndĩrutĩire
Nginya ngakinya kũu Zayuni

Na gũikũrũka no ndĩrutĩire
Nginya ngakinya kũu Zayuni

O na ingĩnoga nĩ ngahurũka
Rĩrĩa ngakinya kũu Zayuni

O na ingĩrĩra niĩ nĩ ngakena
Rĩrĩa ngakinya kũu Zayuni