Nyendaga Guthoma Uhoro Wa Tene Lyrics

Nyendaga gũthoma ũhoro wa tene
Rĩrĩa Jesu aatũũraga gũkũ thĩ

Na ũrĩa eetaga twana rũũru-inĩ rwake
Ngerira korwo na niĩ ndaarĩ ho

Ndakena korwo nĩ aanjigĩrĩire guoko
Hĩndĩ ĩrĩa aaceeraga gũkũ thĩ
Kana nyone ũthiũ wake rĩrĩa oigaga
Reke twana tũũtũ tũũke gwakwa

Kũhoya nokuo kũngĩtũma ngaĩrwo
Igai rĩa wendo wa mwathani
Na ingĩmũrũmagĩrĩra ndĩ gũkũ thĩ
No ngamuona kũu gwake igũrũ

Kũndũ kũu we aathire gũthondeka
Arĩa othe makũũrĩtwo nĩwe
Twana tuothe eendete tũgacemania
Tondũ nĩ watuo ũthamaki ũcio

Arĩa othe matũũraga me nduma-inĩ
Matarĩ maigua wendo wa Ngai
Ndenda nao mamenye nĩ metereirwo
Nake Jesu ekũmeera ũkai

Ngwenda mũno ihinda rĩu rĩkinye
Tondũ nĩ rĩa gĩkeno kĩnene
Ciana ciake ciothe cia mabũrũri-inĩ
Ikarũrũngana irathimwo