Samidoh - Murata Wa Ngai Lyrics

Ngai wombire mũndũ e wa gĩthagathago
Nĩkĩo ndokaga kũrĩ we o rũcii-inĩ
O mũthenya o mũthenya na bata mwerũ
Na rĩu o rĩngĩ ndĩ mbere yaku Jehova
Ngĩhoya mũno kũgĩa ndũgũ nawe
Nĩ getha baba hũthĩrwo nĩ mũtũũrĩre

Ndahoya tu o gũtuĩka mũrata waku
Nĩguo ndarwara ngamenya atĩ no ndĩhona
Ningĩ o na riũa rĩngĩkaara rĩrĩa rĩũru
Twĩ ndũgũ nawe nĩnjũĩ atĩ ndigathira
Ndĩ mũrataguo ndĩ na ma atĩ ndikahuka

Daudi wamũiyũkirie e rũũru-inĩ
Na wanamũrũĩrĩra mbaara nyingĩ
Wanamũĩka favour nyingĩ andũ makagega
O na akũhĩtĩria Ngai tondũ mwĩ ndũgũ
Nĩ wahiũhaga mũno mũno kũmũigua
Nĩ wahiũhaga kũmũrekera na ihenya

Ndahoya tu o gũtuĩka mũrata waku
Nĩguo ndarwara ngamenya atĩ no ndĩhona
Ningĩ o na riũa rĩngĩkaara rĩrĩa rĩũru
Twĩ ndũgũ nawe nĩnjũĩ atĩ ndigathira
Ndĩ mũrataguo ndĩ na ma atĩ ndikahuka

Mandĩko maku nĩ maugaga ndũgeragio
No mũrataguo Gideoni nĩ aakũgeririe
Akĩiga rũũa na agĩkwĩra akora ime
Nĩ ekũmenya atĩ kũna wĩ hamwe nake
Agĩthiĩ mbaara nĩ aamenyaga no ekũhoota
O na niĩ baba no nyende ngoragwo sure

Ndahoya tu o gũtuĩka mũrata waku
Nĩguo ndarwara ngamenya atĩ no ndĩhona
Ningĩ o na riũa rĩngĩkaara rĩrĩa rĩũru
Twĩ ndũgũ nawe nĩnjũĩ atĩ ndigathira
Ndĩ mũrataguo ndĩ na ma atĩ ndikahuka

Musa nĩ aahiũhaga kũrakara o ta niĩ
Aarakario nĩ andũ akĩgũthithia maathani
Korwo nĩ mũndũ wamũtuagĩra ciira
Angĩaugire amũnine na njiarwa ciao
No rĩu nĩ ũndũ wa kiugo ndũgũ nawe
Warũĩrĩire nginyagia kĩimba gĩake

Ndahoya tu o gũtuĩka mũrata waku
Nĩguo ndarwara ngamenya atĩ no ndĩhona
Ningĩ o na riũa rĩngĩkaara rĩrĩa rĩũru
Twĩ ndũgũ nawe nĩnjũĩ atĩ ndigathira
Ndĩ mũrataguo ndĩ na ma atĩ ndikahuka

Kĩheo gĩkĩ gĩa kũina nĩwe waheire
Thikagĩrĩrio nĩ ciana nginya andũ agima
Heaga ciugo ndikanaine matũhũhũ
Ingĩkanyihanyihĩrwo ũkanjihũragia
Na ũhithe njata yakwa ndikanonwo nĩ thũ
Hithaga njata yakwa ma ndikanonũhwo

Ndahoya tu o gũtuĩka mũrata waku
Nĩguo ndarwara ngamenya atĩ no ndĩhona
Ningĩ o na riũa rĩngĩkaara rĩrĩa rĩũru
Twĩ ndũgũ nawe nĩnjũĩ atĩ ndigathira
Ndĩ mũrataguo ndĩ na ma atĩ ndikahuka