Carol Wanjiru - Wi Munene Lyrics

Ngoro yakwa ĩiyũrĩrĩirwo nĩ gĩkeno
Naruo rũrĩmĩ rwakwa rũiyũrĩĩte ũgooci
Kuona wee Jehova nĩ ũnyambararĩtie
Igũrũ rĩa thũ ciakwa ũkanjaraaramia

Wĩ mũnene Ngai
Wĩ mũnene
Na nĩkĩo ngwanĩrĩra
Thĩ yothe ĩkũmenye

Wĩ mũnene Ngai
Wĩ mũnene
Na nĩkĩo ngwanĩrĩra
Thĩ yothe ĩkũmenye

Tiga nĩwe waringirwo nĩ tha ũkĩnyona
Rĩrĩa wakorire nduĩtwo ngombo nĩ ngoma
Ũkĩnjoya, ũgĩĩthambia na ũgĩĩtheria

Ũgĩcooka ũkĩĩhe rũtha njĩtanio nawe

Wĩ mũnene Ngai
Wĩ mũnene
Na nĩkĩo ngwanĩrĩra
Thĩ yothe ĩkũmenye

Wĩ mũnene Ngai
Wĩ mũnene
Na nĩkĩo ngwanĩrĩra
Thĩ yothe ĩkũmenye

Ta njĩĩrai nũũ ũngĩ ũrĩ hinya take
Ũrĩ warũgamana nake akahootana
A'harũrũkirie caitani thĩ ta rũheni
Na akĩmũikia rungu rwa magũrũ make

Wĩ mũnene Ngai
Wĩ mũnene
Na nĩkĩo ngwanĩrĩra
Thĩ yothe ĩkũmenye

Wĩ mũnene Ngai
Wĩ mũnene
Na nĩkĩo ngwanĩrĩra
Thĩ yothe ĩkũmenye

Ndĩronire aambararĩtie mũndũ mũthĩni
Agatũma arĩanĩre na arĩa me hinya
Ndĩramenya kũna nĩwe wambararagia
O na ningĩ we nowe ũharũrũkagia

Tondũ nĩ mũnene Ngai
Nĩ mũneneNa nĩkĩo ngwanĩrĩra
Thĩ yothe ĩkũmenye

Wĩ mũnene Ngai
Wĩ mũnene
Na nĩkĩo ngwanĩrĩra
Thĩ yothe ĩkũmenye

Kaĩ mũkĩrĩ na haaro mũno unyuĩ arĩa
Mũtũire mũikarĩte thĩ ĩno ta arĩ yanyu
Mũtirĩ mũramenya atĩ mũthia wanyu
Ũkamuumĩrĩra narua mwaga kwĩrira

Gĩtũmi niĩ nĩnjũĩ thĩ ĩno nĩ ya Ngai
Na nĩwe ũtũmaga andũ ake moone ũtheri
Ningĩ nowe unangaga ũhoti wa thũ ciake
Arĩa athingu akaambararia rũhĩa rwao

Tondũ nĩ mũnene Ngai

Nĩ mũneneNa nĩkĩo ngwanĩrĩra
Thĩ yothe ĩkũmenye

Wĩ mũnene Ngai
Wĩ mũnene
Na nĩkĩo ngwanĩrĩra
Thĩ yothe ĩkũmenye