Guku Thi Gutiri Handu Lyrics

Gũkũ thĩ gũtirĩ handũ ha gũikara
Na gũtirĩ handũ ingĩhurũka
Ndĩ mũgendi ndorete mũciĩ wa igũrũ
Tondũ nĩkuo njĩrĩirwo gĩkeno

Ngũtũũra ndĩhokete rĩtwa rĩa Ngai
Na nũmagĩrĩra watho wake
Tondũ nĩguo mwega na ningĩ mũtheru
Na thutha ngacoka kũhurũka

Ndikagarũrũka kana ningĩ njoke na thutha
Tondũ nĩ njĩrĩgĩrĩire muoyo
Na ngerĩgĩrĩra maũndũ manene
Marĩa ngaheo ndakinya igũrũ

Mbara ĩno nĩ nene na ningĩ ĩrĩ hinya
Na nĩ njĩrĩgĩrĩire gũtooria
Ndĩhumbĩte nguo ya gũkirĩrĩria
Hotithĩtio nĩ roho mũtheru

Ngũtũra njambagia ngoma nginya rĩrĩa ngakua
Ndĩna hinya wa roho mũtheru
Ngĩonanagia matuĩro marĩa agatuĩrwo
Hamwe na arĩa mamumaga thutha

Nĩ nguoya indo ciothe cia Ngai cia mbara
Njoke njoe gako ka ũthingu
Njoke njoe ngo ĩrĩa nene ya wĩtĩkio
Nĩguo hũrane na mũcukani

Gũkena nĩ andũ arĩa mahetwo kũmenya
Tondũ matikahootwo mbara-inĩ
Nĩ metĩkĩrĩtio kuona wara wothe wa ngoma
O na mĩtego ĩrĩa mategeirwo