Sammy K - Utana Wa Ngai Lyrics

Hĩndĩ ĩmwe Jakubu nĩ anyitirwo nĩ kĩeha
Kĩeha kĩnene nginya agĩthiĩ agĩkoma
Ngai agĩtũma mũraika akamũhorerie
Amu ngoro ya Jakubu nĩ yakĩinamĩte

Icoki na matamu ihoreragia mbarathi
Naguo ũtana wa Ngai ũhoreragia ngoro
Ĩrĩa yũrĩtwo nĩ hinya na ĩgathuthĩka
Ngai horeria ngoro ici ciũrĩtwo nĩ hinya

Mũraika hĩndĩ ĩrĩa akinyire harĩ Jakubu
Akĩũria Jakubu nĩkĩĩ gĩatũma ũkome
Kaĩ ũriganĩirwo nĩ Ngai ũrĩa ũgũteithagia
Rora matu-inĩ wone nĩ ũtũmĩirwo ũteithio

Icoki na matamu ihoreragia mbarathi
Naguo ũtana wa Ngai ũhoreragia ngoro
Ĩrĩa yũrĩtwo nĩ hinya na ĩgathuthĩka
Ngai horeria ngoro ici ciũrĩtwo nĩ hinya

Labani na ariũ ake makĩharũkwo nĩ ũiru
Mona Jakubu handũ athire no gũtherema
Jakubu ona ũguo agĩthama kwa Labani
Agicooka Kanaani kwao kũrĩa aciarĩirwo

Icoki na matamu ihoreragia mbarathi
Naguo ũtana wa Ngai ũhoreragia ngoro
Ĩrĩa yũrĩtwo nĩ hinya na ĩgathuthĩka
Ngai horeria ngoro ici ciũrĩtwo nĩ hinya

Kwĩ na andũ maraigua ũiru nĩ irathimo ciaku
Mona ũrĩa ũtheremire marakang'wo nĩ ngoro
Magathondeka thiki ndũrũ makũhe ũhuke
Ngai akamĩkĩra mũcamo ĩgakũnyotora

Icoki na matamu ihoreragia mbarathi
Naguo ũtana wa Ngai ũhoreragia ngoro
Ĩrĩa yũrĩtwo nĩ hinya na ĩgathuthĩka
Ngai horeria ngoro ici ciũrĩtwo nĩ hinya

Ngai wa Jakubu mũgitĩri wa irathimo
Nĩ eharĩirie gwĩka ũndũ mwerũ ũtũũro-inĩ waku
Mwĩhoke na ũmweterere na ũmwĩrĩgĩrĩre
Agũcenjerie ũtũũro wĩtagwo mũrathime

Icoki na matamu ihoreragia mbarathi
Naguo ũtana wa Ngai ũhoreragia ngoro
Ĩrĩa yũrĩtwo nĩ hinya na ĩgathuthĩka
Ngai horeria ngoro ici ciũrĩtwo nĩ hinya

Icoki na matamu ihoreragia mbarathi
Naguo ũtana wa Ngai ũhoreragia ngoro
Ĩrĩa yũrĩtwo nĩ hinya na ĩgathuthĩka
Ngai horeria ngoro ici ciũrĩtwo nĩ hinya